சங்க கால இலக்கியங்களான அகநானூறு மற்றும் புறநானூறு ஆகியவற்றில், ஆன்பொருநை நதி (இன்றைய அமராவதி நதி) என அழைக்கப்படும் நதியோரம் 108 சிவாலயங்கள் இருந்ததாகக் குறிப்பிடப்படுகிறது. அவற்றில் ஒன்றாக விளங்கும் கணியூர் ஈசுவரன் கோவில், முற்காலத்தில் கணியூருக்கு வடக்கே அமைந்திருந்ததாகக் கூறப்படுகிறது. அக்காலத்தில் கணியூர் ஒரு சிறிய கிராமமாக, ஈசுவரன் கோவிலின் தெற்குப் பகுதியில் இருந்தது.அந்தக் காலகட்டத்தில் மக்கள் கொடிய நோய்கள், பஞ்சம் மற்றும் பசியால் பெரிதும் துன்புற்றனர். இந்நிலையில், சிவாலயத்திற்கு தரிசனத்திற்காக‌ வந்த கணிகை முனிவர், மக்களின் வேதனையை உணர்ந்து, “உங்கள் ஊரின் வளம் குறைவதற்குக் காரணம் ஆலயம் குடியிருப்புகளின் வடபுறத்தில் அமைந்துள்ளதுதான்; நீங்கள் உங்கள் குடியிருப்புகளை ஆலயத்தின் வடபுறமாக மாற்றிக் கொள்ளுங்கள்” என அறிவுரை வழங்கினார்.மக்கள் முனிவரின் ஆலோசனையை ஏற்று தங்கள் குடியிருப்புகளை மாற்றிய பின்னர், வாழ்க்கையில் வளமும் நலனும் பெருகியதாக நம்பப்படுகிறது. மக்களுக்கு புதுவாழ்வு அளித்த கணிகை முனிவரின் நினைவாக, புதிதாக உருவான அந்தக் கிராமத்திற்கு “கணியூர்” என்ற பெயர் சூட்டப்பட்டதாக செவிவழிக் கதைகள் கூறுகின்றன.